#2 Fjallaspjallið – Anna Lára
Þá er annar þátturinn af Fjallaspjallinu kominn í loftið og að þessu sinni er það Anna Lára sem er gestur þáttarins. Hún er ein af frumkvöðlunum í íslenskri útivist og ein af þeim konum sem ég hef lengi litið upp til. Ég var fyrst að heyra af henni þegar ég byrjaði að stunda fjallamennsku árið 2002 og svo þegar ég byrjaði að drekka í mig greinar um fjallamennsku að þá var nafnið hennar oftar en ekki að finna þar. Hún frumfór m.a. Orginalinn, leið á Suðurhlíð Hrútsfjallstinda, toppaði Alpamayo í Peru og tók þátt í fyrsta íslenska leiðangrinum í Himalayafjöllin.
Það er óhætt að segja að Anna Lára sé líflegur og skemmtilegur viðmælandi og þvílík hvatning að hlusta á hana. Í boði er að horfa á viðtalið á Youtube með klippum af myndum frá þessum árum og svo beint í eyrun á Spotify og öðrum podcast veitum. Ef ykkur líkar efnið að þá er tilvalið að smella í youtube like og subscribe en meira efni er væntanlegt á næstu vikum í samstarfi við Ferðafélag Íslands
p.s. svo er Solla að bjóða upp á skemmtileg viðtöl í Fjallakastinu sem þið finnið hér: Fjallakastið
